Nakatanggap ang Local Government Unit ng San Jose, Romblon ng Ceramic Water Filter mula sa Department of Science and Technology - MIMAROPA para sa mas ligtas na tubig pang-inum sa bayan.
Ipinagkaloob ang nasabing filter ni DOST-MIMAROPA's Regional Director, Dr. Ma. Josefina P. Abilay kasama ang isang miyembro ng Region's Evaluation Committee na si Rodolfo Plopinio, sa ginanap na Ceremonial Awarding of 2018 GIA & SETUP nitong hapon ng Miyerkules sa opisina ng DOST-PSTC Romblon.
Ang nasabing mga filters ay bahagi ng Grants-in-Aid (GIA) ng DOST-MIMAROPA ngayong 2018.
Maliban sa LGU-San Jose, nakatanggap rin ng Grants ang mga San Jose Family Care Credit Cooperative, KADBAYAN MPC, LONGON MPC t Tuburan Famers Association.
Nakatanggap rin ang ilang business establishment ng pera mula sa DOST-MIMAROPA bilang bahagi naman ng kanilang programang Small Enterprise Technology Upgrading Program o SETUP.
Ito ay ang 6 Lucky L's Noodles and Fresh Miki, Sam-Sammi Personal Care Products, Soyami Products, Starvy Ice Cream and Frozen Delights, Julia's Food Products, Darnel Iron Works, at SMS Machine Shop.
