by Kan Tapat, RomblonNews Contributor | Saturday, 29 August, 2015
Isang pawikan ang natagpuan ng mga residente ng Barangay Poblacion sa Alcantara pasado alas-6 ng umaga kanina sa kanilang baybayin.
Agad itong kinuha ng mga mangingisda sa dagat at ikinagulat nila ng makita na walang buhay ang palutang-lutang na pawikan.
Ayon pa sa ilang mga taga Poblacion, nagtamo umano ng sugat ang pawikan na maaring sumabit sa kung anong bagay sa dagat.
Nilibing naman agad ang pawikan upang hindi na ito bumaho.
